بقي هي دي مصـــر

بقي هي دي مصـــر يا ولاد .. بلد الامجـــاد .. اللي قالوا عليها ســــت البلاد
ولا انا بقيت في بلــــد تانيه .. مش ام الدنيا .. بينهشها ولادها في كل ثانيــه
راحت فين شهامـه الرجاله .. والاصالــــه .. والعزه والنخــــوه والايــد الشغاله
راح فيــن احتـــرام الكبيــــر .. وحب الخير .. والشرف والامانه وراح فين الضمير
خيره الشبـــــاب الهمـــــام .. اسقطو النظام .. ورجعـو من غيـر فخـر ولا كلام
طلعت عليهم ناس سرقتهم .. خدت فرحتهم .. قالو الثوره بتاعتنا مش بتاعتهم
علمانييــــن ولا ليبرالييــــن .. ولا مدنييــن .. اسامي ايه معانيها مش عارفين
ولا الاخــــــوان المسلميـــن .. اللي عاوزين .. ياخدو كل حاجــه وباسم الدين
وخمسميت حركه وائتــــلاف .. ولاحد شاف .. منهم غير كل المشاكل والخلاف
ده بيتكلــــم وده بيقــــــــول .. مش معقول .. هانصــــدق دولا ولا دولا ولا دول
الكل بيتكلم ولا حـــد بيسمع .. ولا بيــــرجع .. والبلد ما بيــن ايديهـــم بتتقطع
وبعد ما كان حلمنــــا كبيـــــر .. بعد التغييــر .. بحريــــه وعــــزه وخيــــــر كتير
بقي كل حلمنـــا لقمه عيس .. وما بنلاقيش .. في ناس بتسرق علشان تعيش
والعيله اللي ما فيها حد صايع .. حقها ضايـــع .. ده شعار بلدنا في كـــل شارع
وضاع الاقتصـــــاد وراح الامان .. وزي زمــــــان .. حكومه فاشله مافيها الا لسان
وريس ودن طين وودن جبـس .. عمره ما حس .. الا باهله وعشيرته وجماعته بس
واعلاميين وصحفيين ومثقفين .. وحقوقيين .. وسياسيين ومنتفعين وهباب الطين
الكل فاكـــــر نفســــــه كبير .. وهم حمير .. عرايس في ايدين المرشد وطراطير
كفايه حرام عليكــــــو خنقتونا .. وزهقتـــونا .. شويه ايمان في قلوبكم وارحمونا
خربتو البلـــــــــــــد يا ولاد ال... وخليتوها خل ... يارب شوطه بقي وتاخد الكل



[img][ندعوك للتسجيل في المنتدى أو التعريف بنفسك لمعاينة هذا الرابط][/img]

كفايه حرام عليكــــــو خنقتونا .. وزهقتـــونا .. شويه ايمان في قلوبكم وارحمونا
خربتو البلـــــــــــــد يا ولاد ال... وخليتوها خل ... يارب شوطه بقي وتاخد الكل
تسلمى همسه
على طرحك الجميل