تفوت أحزان..

موضوع: تفوت أحزان.. السبت أبريل 27, 2013 6:10 pm

| ........
تفوت أحزان..

ورا أحزان..

ومصر يا ابنى

زى عود الزان..

وصعب الزان يتهان..

انتصرنا

وردينا الكرامة

وفضل الغلبان غلبان..

كترت بس عربيات الكبدة

والكباب والكفتة

والشيخ على علوكة

قلع الجبة والقفطان..

وفتح بوتيك

يبيع أحمر شفايف للنسوان..

وسافر الفلاح يلزق سيراميك

وساب الأرض للغربان..

وخرجوا الروس

لكن دخلوا الأمريكان..

وفتحنا كل البيبان..

وكان شعار المرحلة

السلام

وتليفزيون ألوان..

وكل أحلام المواطن

ميه سخنة م السخان..

واتغيرت القهاوى

وشكل الحاجة الساقعة

ونوع الكيف..

واتلخبط الشتا ع الصيف..

وبدل المناخ..

وطابور السجاير

بقى طوابير للسكر

والسمن والفراخ..

وابتدينا نسمع عن حاجة

اسمها الديمقراطية

والأحزاب..

وبطاقة انتخاب..

ودخل المعلم كتكت

أكبر تاجر مخدرات

مجلس الشعب

وبقت الباطنية

هى عاصمة مصر

على فكرة..

الباب ده عايز يرتاح

وللا أقولك

الصباح رباح

على سلامة | ........

[ندعوك للتسجيل في المنتدى أو التعريف بنفسك لمعاينة هذا الرابط]

الادارة العامه

يسلموا همسه موضوع بجد جميل جدا
تسم ايدك

موضوع: رد: تفوت أحزان.. الخميس مايو 16, 2013 2:21 pm

يسلموا استاذ سامر

» قررت أن أعيش وحيدة لاهم ..لاغدر...لاحيرة..ولا أحزان