عمل الحمام المحشي

جيبالكم طريقتي في عمل الحمام المحشي
يارب تجربوها وتعجبكم............

المقادير:
كوب ونصف ارز
الحمام حسب العدد اللي انتي عاوزاه انا عاملة ٤
بصلتين
الكبده والأنصه بتوع الحمام
ملح وفلفل وكركم وزيت
التزيين طماطم وخيار وفلفل وبطاطس شيبسي

الطريقه:
بعد تنظيف الحمام تحطيه في دقيق ولمون
تغسلي الرز
تقطعي البصل وتقلبي عليه فلفل كتيير
تحطي البصل في زيت ع النار وتحمريه وتحطي معاه الكبد والاوانص بعد تقطيعها
تحطي الرز شويه بشويه معاهم
تحطي كوب ماء وتغطي عليهم لحد ميتشرب
تطفي عليهم
وتسيبيه يبرد عشان تعرفي تحشي الحمام
وبعدين تغسلي الحمام
وتمسحيه من جوه بالفلفل وتحشيه بالرز وتقفلي الحمام بالخله
وطبعا هيتبقي منك رز كتيير
تحطي او تدفني الحمام جوه الرز
تحطي كوب ونص ماء عليهم وتحطيهم ع النار

لحد ما المايه تتشرب وتهدي عليهم النار
حتي تمام النضج
بعدين تطلعي الحمام وتحمريه ف الزيت
وممكن تعملي معاه سلطه وبيض مسلوك للتزين
[ندعوك للتسجيل في المنتدى أو التعريف بنفسك لمعاينة هذه الصورة]
بالصحة والراحة واتمنى يعجبكم اختياري

رؤؤؤؤعه اوى سومه
يسلم اختيارك حبيبتى
طريقه سهله تسلمى